placeholder for flash movie
Ahad, 24 September 2017   English | Indonesia
:: Tepas Sakolébat Garut Geografi


Topografi

Ibukota Kabupatén Garut perenahna aya dina 717 m dpl (tina beunget laut), dikuriling ku Gunung Karacak (1838 m), Gunung Cikuray (2821 m), Gunung Papandayan (2622 m), jeung Gunung Guntur (2249 m).

Karakteristik topografi Kabupatén Garut béh wétan ayana dataran anu luhur jeung gugunungan, sedengkeun bagian kulon sabagian gedé jurangna kacida rongkahna jeung disababaraha hiji tempat labil. Kabupatén Garut miboga rupa-rupa tempat diantarana wilayah anu paling handap sajajar jeung beungeut laut nepi ka wilayah anu pangluhurna di puncak gunung.  Wilayah anu luhurna 500-1000 mdpl aya di Kacamatan Pakénjéng jeung Pamulihan.   Wilayah anu luhurna 1000 -1500 mdpl aya di Kacamatan Cikajang, Pakénjéng-Pamulihan, Cisurupan jeung Ciséwu, wilayah anu luhurna 100-500mdpl aya di Kacamatan Cibalong, Cisompét, Ciséwu, Cikelét, jeung Bungbulang, sarta wilayah anu merenahna di daratan handap anu luhurna kurang ti 100 mdpl aya di Kacamatan Cibalong jeung Pameungpeuk.
 

Rangkéyan pagunungan vulkanik anu ngurilingan dataran gunung Garut béh wétan rata-rata ngabogaan leréng jeung aya dina posisi kamiringanana 30 – 45 % di puncak, 15 – 30 % di bagian tengah, jeung 10 – 15 % di bagian leréng tungtung gunung. Leréng éta umumna katutup ku végetasi anu leubeut sabab sabagian diantarana mangrupakeun daerah konservasi alam.  Wewengkon Kabupatén Garut miboga ukuran kamiringan léréng anu variasi antara 0 – 40 %, diantarana 71,42 % atanapi 218.924 Ha aya dina ukuran antara 8 – 25 %. Legana daérah panghandapna jeung tingkat kamiringan ngan 3% nepi ka 29.033 Ha atawa 9,47%; wilayah jeung tingkat kamiringan nepi ka 8% anu nyakup aréal anu legana 79.214 Ha atanapi 25,84%; legana aréal jeung tingkat kamiringan nepi ka 15% ngahontal 62.975 Ha atanapi 20,55% wilayah ogé tingkat kamiringan nepi ka 40% ngahontal legana aréal 7.550 Ha atanapi 2.46%.
.

Dumasar tina arah alirana, susukan-susukan di wewengkon Kabupatén Garut dibagi jadi dua daérah aliran sungai (DAS) nyaéta daérah aliran kaler anu ngamuara di Laut Jawa jeung daérah aliran kidul anu ngamuara di Sagara Indonesia.  Daérah aliran kidul rata-rata pondok, sempit, ogé jurang-jurang dibandingkeun jeung daérah aliran kalér. Daérah aliran Kalér mangrupakeun DAS Cimanuk bagéan kalér, Daérah aliran Kidul mangrupakeun DAS Cikaéngan jeung Walungan Cilaki.  Wewengkon Kabupatén Garut aya 33 walungan gedé jeung 101 anak walungan/susukan anu panjangna 1.397,34 Km; di mana sapanjang 92 Km diantarana mangrupakeun panjang aliran walungan Cimanuk jeung 58 anak susukan.

Dumasar interprétasi citra landsat Zona Bandung, yén pola aliran walungan anu ngamekar di wewengkon dataran antar gunung Garut beh wetan nunjukeun karakter mendaun, jeung arah aliran anu utama ngarupakeun walungan Cimanuk ngalaju ka béh wétan. Aliran walungan Cimanuk dicumponan ku cabang-cabang anak walungan anu asalna ti léréng pagunungan anu ngurilingan éta tempat. Sacara individual, cabang-cabang anak walungan éta mangrupakeun susukan-susukan anu ngawentuk pola aliran sub-paralél, sabagé sub-sistem tina DAS Cimanuk.

Pencét panah kiwa/katuhu dina Kibord sangkan pindah ka artikel séjén
Navigasi
September 2017
SuMoTuWeThFrSa
     12
3456789
10111213141516
17181920212223
24252627282930
No Activities.
Stats Situs
IP Address : 207.46.13.101
Tautan Pilihan
spacer