placeholder for flash movie
Rebo, 23 Agustus 2017   English | Indonesia
:: Tepas Sakolébat Garut Bupati Garut ti Mangsa ka Mangsa



Déskripsi Bupati Garut ti Mangsa ka Mangsa

 

Ti mimiti ngadegna Kabupatén Limbangan di Suci (anyar) anu jadi “Kabupatén Garut” nepi ka kiwari, aya 24 Bupati anu pernah ngajabat.

Pangwentukan Kabupatén Limbangan dumasar tina Surat Kaputusan Raffles minangka Létnan Gubernur (Lieutenant Governor) di Indonesia nyaéta tanggal 16 Fébruari 1813.  Bupati anu ngajabat dina waktu harita nyaéta R.A.A. Adiwijaya (1813-1831).  Tah, saupamana Pamaréntahan Kabupatén Garut teh diitung mimitina ti dieu, tangtu R.A.A. Adiwijaya mangrupakeun Bupati anu mimiti.

Tanggal 1 Juli 1913 Kabupatén Limbangan diganti jadi Kabupatén Garut.  Harita, pamaréntahan teh dipingpin ku Bupati R.A.A.Wiratanudatar (1871-1915), dumasar tina Surat Kaputusan Gubernur Jendral tanggal 7 Méi 1913 (Staatsblad Van Nederlandsch-Indie No 356: Besluit van den Gouvernur-General van Nederlandsch-Indie van 7 Méi No.60). Kusabab kitu, bisa disebut yén RAA.Wiratanudatar mangrupakeun Bupati mimiti anu mingpin sabudeureun pamaréntahan pikeun ngaran Kabupatén Garut.

Dina tanggal 14 Agustus 1925, dumasar tina Surat Kaputusan Gubernur Jéndral, Kabupatén Garut disahkeun minangka daérah pamaréntahan anu mandiri (otonom). Dina waktu pamarentahan RAA Soeria Kartalegawa anu jadi Bupati ka-5 ti taun1813.  Kusabab kitu, RAA Soeria Kartalegawa ngarupakeun Bupati mimiti anu mingpin Kabupatén Garut sabagé daérah otonom.

Basa jaman kolonial Walanda, gantina Bupati anu ditetepkeun di Kabupatén Garut identik jeung anu disaluyuan di karajaan-karajaan kuno Indonesia, nyaéta saupamana Bupati tilar dunya, atanapi eureun kulantaran aya hiji hal, biasana anu ngabogaan hak ngaganti nyaéta putra lalaki anu cikal atanapi minantu lalaki.  Paling henteu, masih ngabogaan hubungan kulawarga atawa sobat dalit.  Mun ningali sajarah, Bupati anu mimiti RAA.Adiwijaya (1813-1831) diganti ku putrana RAA Kumadinata (1831-1833) minangka Bupati kadua. Dituluykeun ku minantuna Tumenggung Jayadiningrat (1833-1871) minangka Bupati katilu. Masih aya patalian kulawarga, Bupati katilu diganti ku RAA Wiratanudatar (1871-1915) minangka Bupati kaopat.  Satuluyna Bupati kaopat diganti ku alona nyaéta Adipati Soeria Kartalegawa (1915-1929) minangka Bupati kalima.  Satuluyna ku putrana Adipati Moh.Musa Soeria Kartalegawa (1929-1944)  minangka Bupati kagenep.

Dina sajarah Garut, kacatet période Bupati panglilana anu mingpin nepi kaleuwih ti 40 taun nyaéta RAA Wiaratanudatar (1971-1915). Aya tilu urang Bupati anu mingpin kurang ti hiji atawa dua taun saperti R.Tumenggung Endung Suriaputra (1944-1945) atanapi Letkol Akil Ahyar Masyur (1966-1967).

Sajarah ogé nyatet, yén timimiti pamilihan Bupati dumasar periodé waktu, tacan kacatet Bupati Garut anu nyepeng jabatan leuwih ti hiji période.  

Potret Bupati Garut ti mangsa ka Mangsa
Pencét panah kiwa/katuhu dina Kibord sangkan pindah ka artikel séjén
Navigasi
August 2017
SuMoTuWeThFrSa
  12345
6789101112
13141516171819
20212223242526
2728293031  
No Activities.
Stats Situs
IP Address : 54.224.75.202
Tautan Pilihan
spacer