placeholder for flash movie
Ahad, 23 Juli 2017   English | Indonesia
:: Tepas Sakolébat Gunung


Gunung Papandayan

Gunung Papandayan téh salah sahiji Gunung di Garut anu kacida aktifna. Unggal waktu kawahna teu weléh ngelun. Papadaning kitu, éta gunung tuluy  baé dijarugjug ku wisatawan. Lain baé ku wisatawan lokal, tapi ogé ku wisatawan asing.

Gunung Papandayan téh aya di kiduleun Garut. Anggangna ti kota Garut kurang leuwih 28 kilométer. Nu rék ngajugjug ka kawahna bisa ti dua jalur, ti alun-alun Cisurupan atawa ti perkebunan Cisaruni, Cikajang. Atawa mun dijugjug ti Bandung mah bisa ditempuh ti Pangaléngan. Tapi ruteu anu bisa laluasa ditempuh ku kandaraan mah ti alun-alun Cisurupan, lantaran ti dinya aya jalan aspal anu langsung nepi ka kawahna.

Umumna mah anu ngajarugjug kawah Papandayan téh katarik ku aktivitas kawahna. Nu ngadon arulin bisa langsung noong ngagolakna kawah jeung ngelunna haseup Papandayan ti kadeukeutan, sanajan kudu bari ati-ati lantaran sok kaambeu bau walirang. Kaayaan di sabudeureun kawah gé teu kurang matak narikna. Batu-batu gunung tinggalituk sarta saab di mamana. Kawahna kaitung legs, aya kana tilu kilométerna. Ari luhur gunungna kacatet 2.665 méter ti beungeut laut. Mun alus poéna mah, ti luhur gunung Papandayan téh urang bisa nyawang kota Garut anu ngampar lebakeunana, atawa nyawang paulna laut kidul di kiduleunana.

Jumlah kawah Papandayan téh aya 14 liang. Unggal kawah ngaluarkeun haseup nu béda-béda. Aya nu warnana bodas aya ogé anu warnana emas. Ti sela-sela batuna kaluar cipanas anu ngawangun wahangan leutik sarta ngandung walirang, tur mun dipaké  kukumbah enggeusna téh kacida cepelna. Tapi éta cai téh sok dipaké ubar lantaran dianggap mujarab keur nyageurkeun kasakit kulit.
Ciri mandiri Gunung Papandayan anu séjenna nyaéta réa kapanggih kembang édelwis (anaphalis javanica). Ku sawaréh jalma disebutna téh kembang abadi, lantaran sipatna nu teu gancang layu najan disimpen mangbulan-bulan.

Sanajan réa dijugjug, lain hartina Gunung Papandayan geus teu matak bahaya. Nepi ka ayeuna éta gunung masih aktif sarta sawaktu-waktu bisa bitu. Kacatet geus sababaraha kali éta gunung bitu tur nimbulkeun karuksakan jeung korban jiwa. Upamana waktu bitu taun 1772. Bituna kacida rohakana sarta nimbulkeun korban jiwa teu kurang ti 300-an urang. Taun 1942 bitu deui sarta kawahna ngalegaan. Taun 2002 katompérnakeun, éta gunung ngageunjleungkeun deui masarakat Garut lantaran ngaluarkeun lahar tiffs jeung lebu panas anu ngaléléd ka sawatara tempat, nepi ka loba pangeusi lembur anu marukim di lampingna kudu ngarungsi ka tempat anu leuwih aman.

Pencét panah kiwa/katuhu dina Kibord sangkan pindah ka artikel séjén
Navigasi
July 2017
SuMoTuWeThFrSa
      1
345678
9101112131415
16171819202122
23242526272829
3031     
Stats Situs
IP Address : 54.162.139.217
Tautan Pilihan
spacer