placeholder for flash movie
Ahad, 23 Juli 2017   English | Indonesia
:: Tepas Sakolebat Gunung


Gunung Cikuray

Gunung Cikuray téh gunung nu pangluhurna di Garut mah. Luhurna kurang leuwih 2.821 metér ti beungeut laut. Lantaran pangluhurna, éta gunung téh babari katangénna, ngajegir di kiduleun kota Garut. Di sagédéngeun éta, Gunung Cikuray jadi lambang kabeungharan alam kota Garut.

Ceuk para ahli, baheula mah éta gunung téh dingaranan Srimanganti. Lampingna sok dijieun mandala, anu dipake tempat ngulik rupaning elmu ku para pandits. Eta mandala téh dingaranan Gunung Larang Srimanganti anu nuluykeun tradisi karajaan Sunda nepi ka abad ka-17 dins widang tutulisan. Nya ti dinya munculna naskah-naskah Sunda kuno anu ayeuna réa ditalungtik ku para ahli. Di antara éta naskah-naskah téh ayeuna kasimpen di Kabuyutan Ciburuy, Garut.

Di sagédéngeun éta, Gunung Cikuray geus ti baheula dipake lahan perkebunan entéh. Pangpangna ti abad ka-19 kénéh. Dina mangsa harita, salah sahiji perkebunan entéh anu mashur nyaéta perkebunan Waspada, anu dikokolakeun ku Karel Frederic Holle (K.F. Holle). Perenahna di Cikajang ayeuna. Kiwari gé di lamping-lamping Cikuray masih ngampar kebon entéh anu di antarana dikokolakeun ku perkebunan Giriawas jeung Dayeuhmanggung.

Lantaran kaayaan alamna anu matak waas, Gunung Cikuray gé jadi pangjugjugan wisatawan. Boh wisatawan mancanagara boh doméstik. Pangpangna anu daratang ka Cikuray téh ngadon naék gunung. Sanajan teu bogs kawah cars gunung Papandayan atawa Gunung Guntur, tapi Cikuray teu éléh narik.

Di antara anu matak narik di Cikuray  téh pamandangan alamna Mun urang nyawang alam ti puncakna sagala bruh-bréh. Di kiduleunana lapat-lapat katembong laut kidul. Geus puguhing kaéndahan kota Garut mah atra katingali. Malah mun keur ales poéna, gunung-gunung nu jarauh ogé katembong ponclot-ponclotna. Salian ti éta, nu naraék gunung bisa ningalian pamancar relay televisi nu diwangun di lamping Cikuray.

Pikeun naék ka Cikuray aya dua jalur. Kahiji ngaliwatan perkebunan Dayeuhmanggung anu bisa ditempuh ti jalan raya Garut – Singapama, Tasikmalaya. Anu kadua bisa ditempuh ti perkebunan Giriawas, Cikajang.

Pencét panah kiwa/katuhu dina Kibord sangkan pindah ka artikel séjén
Navigasi
July 2017
SuMoTuWeThFrSa
      1
345678
9101112131415
16171819202122
23242526272829
3031     
Stats Situs
IP Address : 54.162.139.217
Tautan Pilihan
spacer