placeholder for flash movie
Senén, 25 September 2017   English | Indonesia
:: Tepas Sajarah Garut  Inohong


Yusuf Tauziri

Kyai Haji Yusuf Tauziri téh salah saurang tokoh pajoang ti Garut anu teu saeutik jasana énggoning milu ngamérdékakeun bangsa Indonesia ti penjajah. Ayeuna téh pamingpin pesantren Darussalam Wanaraja, Garut.

Keur alitna, jenengannana téh Damiri. Kawantar budak Bengal. Waktu ku kolotna dikirim masantrén ka Jawa Timur ogé, ngan kuat opat bulan geus balik deui, majar téu bétah. Tuluy pipindahan masantrén di Tanjung Pura, Cicalengka, Sukabumi jeung Cianjur. Tapi Damiri leuwih resep kana ulin pencak jeung méngbal, batan jadi santri mah.

Sabada kukurilingan masantrén, Damiri balik déui ka Cipari, sarta aktif dina Sarékat Islam (SI). Waktu aya peristiwa Cimarémé (1919) Damiri milu ka téwak sarta dibui di Garut. Sababna mah lantaran sakabéh anggota SI di Garut harita dituding ku pamarentah Walanda jadi ulon-ulon anu ngomparan masyarakat sina ngalawan ka pamaréntah Kolonial Walanda. Atuh sakabéh pengurus jéun anggota SI nu aya di Garut mah kabéh gé di barui. Aya anu di bui di Garut, di Bandung, malah sakabéh mah dibuang ka sawah Lunto. Damiri mah ngan dua bulan di buina téh, tuluy balik déui ka Cipari sarta aktif deui di SI.

Taun 1923, Damiri munggah haji. Waktu mulang ngarana rubah jadi Yusup Tauziri. Waktu SI dipimpin ku Abikusmo Cokrosuyoso, sawatara anggota SI aya anu dipecat lantaran teu tumut kana kaputusan organisasi. Diantrara anu di pecat téh Karto Suwiryo. Karto Suwiryo babarengan jeung Yusuf Tauziri tuluy ngadégkeun Komite Pertahanan Kebenaran Partai Sarikat Islam Indonesia (KPK-PSII). Tapi waktu KPK-PSII ngayakeun kongrés di Garut taun 1940, hubungan Karto Suwiryo jeung Yusuf Tauziri bengkah alatan beda prinsip. Yusup ahirna mundur ti KPK-PSII sarta leuwih muserkeun kagiatannana kana widang agama.

Yusuf tuluy ngadegkeun masjid jeugn pasantrén anu di ngaranan Darusalam di Wanaraja, tapi bari angger bulak-balik ngawuruk di Cipari. Dina jaman Jepagn Yusuf kungsi asup bui deui lantaran dituding rék nayakeun sabotase ngagulingkeun kareta di Garut. Tapi waktu Jepang nyokong Hisbulah, Yusuf ditempatkeun jadi pimpinan Cabang Hisbulah di Wanaraja.

Dina jaman repolusi, Yusuf Tauziri ngadegkeun laskar Darusalam, anu tuluy ngagabung jadi BKR (Badan Keamanan Rakyat). Waktu BKR jadi TKR (Tentara Keamanan Rakyat) sawaréh laskar Darussalam di pasrakkeun ku Yusuf ka divide Siliwangi.

Jaman téntara urang kudu hijrah ka Jogja, Yusuf di ajak deui ku Karto Suwiryo pikeun ngumumkeun Proklamasi Negara Islam Indonesia / Darul Islam (NII/DI). Tapi ku Yusuf ditolak sapajodongan. Ěta sababna, pasantren Cipari anu di paké markas Yusuf Tauziri ( sabada daerah Wanaraja direbut ku Walanda). Mineng diserang ku pasukan DI/TII, aya kana 52 kalina. Ku TNI, Yusuf ogé diangap gede jasana enggoning nangtayungan pasukan siliwangi anu baralik hijrah ka Jawa Barat tina serangan DI jeung Walanda.

Tah dina jaman harita, waktu kajepit ku pasukan DI jeung Walanda, Yusuf Tauziri dianggap boga kasaktian anu luar biasa. Aya beja cenah anjenna téh boga élmu laduni anu ngalantarkeun teu babari katéwak atawa katémbak musuh. K.H. Yusuf Tauziri ngantunkeun di Garut taun 1982, sarta layona dikurebkeun di lingkungan pasantrén Darussalam Wanaraja.


Pencét panah kiwa/katuhu dina Kibord sangkan pindah ka artikel séjén
Navigasi
September 2017
SuMoTuWeThFrSa
     12
3456789
10111213141516
17181920212223
24252627282930
No Activities.
Stats Situs
IP Address : 54.81.88.93
Tautan Pilihan
spacer