placeholder for flash movie
Ahad, 23 Juli 2017   English | Indonesia
:: Tepas Sajarah   Inohong


Aruji Kartawinata

Saenyana Aruji Kartawinata téh lain ngan saukur inohong Garut, tapi geus jadi inohong nasional. Anjeunna kaitung gedé jasana enggoning bajoang ngamerdékakeun bangsa urang.

Aruji lahir di Garut, 5 Méi 1905. Satamatna ti HIS anjeunna nuluykeun ka Mulo (sakola satingkat SMP) di Bandung. Ti dinya jadi guru, sarta  nuluy  jadi kapala sakola di SD Sarékat Islam di Garut. Ti keur anomna kénéh anjeunna mémang aktif dina gerakan kabangsaan, pangpangna di Sarékat Islam anu tuluy jadi PSII (Partai Sarikat Islam Indonésia).   

Lantaran aktivitasna di SI,  Aruji tuluy diperenahkeun jadi Ketua PSII. Awalna mah di Garut, tapi tuluy  dijenengkeun  jadi  Ketua PSII di tingkat Jawa Barat. Malah antukna mah jadi Wakil Ketua Lajnah Tanfidjiah PSII di tingkat nasional.

Waktu di Garut, anjeunna kungsi nerbitkeun kalawarta Balatentara Islam anu terbit saminggu sakali. Eusina loba ngawartakeun kagiatan jeung gerakan Sarékat Islam, kaasup ngawartakeun hasil-hasil rapat SI ngarah kabaca ku balaréa.

Nincak ka jaman Jepang, Aruji milu latihan di Peta (Pembela Tanah Air) sarta tuluy diangkat jadi Daidancho Peta di Cimahi. Sabada Indonésia merdéka, Aruji diangkat jadi Komandan BKR (Badan Keamanan Rakyat) anu tuluy jadi TKR (Tentara Keamanan Rakyat) Divisi III Jawa Barat.  Nya divisi nu dikomandanan ku Aruji anu jadi cikal bakal Divisi Siliwangi téh.

Waktu diwangun Kabinét Syahrir, Aruji dijenengkeun jadi Menteri Muda Pertahanan. Taun 1948, TNI kudu hijrah ka Jogja akibat ayana perjanjian Renvile. Aruji ditunjuk jadi Ketua Panitia Hijrah TNI, anu kudu mindahkeun tentara urang nu aya di daérah-daérah kakawasaan Walanda ka daérah Republik.

Aruji, kungsi ogé jadi anggota DPR-RIS (Republik Indonésia Serikat). Sabada Pemilu 1955, Aruji kapilih jadi anggota DPR-RI minangka wakil ti PSII. Karirna henteu pareum di dinya, lantaran tuluy jadi anggota DPR-GR, sarta pangahirna diangkat jadi anggota DPA (Dewan Pertimbangan Agung) dina taun 1966-1968.

Aruji Kartawinata ngantunkeun tanggal 13 Juli 1970 di Jakarta lantaran kasakit radang otak. Layonna dimakamkeun ti Taman Makam Pahlawan Kalibata.

Pencét panah kiwa/katuhu dina Kibord sangkan pindah ka artikel séjén
Navigasi
July 2017
SuMoTuWeThFrSa
      1
345678
9101112131415
16171819202122
23242526272829
3031     
Stats Situs
IP Address : 54.162.139.217
Tautan Pilihan
spacer