placeholder for flash movie
Ahad, 23 Juli 2017   English | Indonesia
:: Tepas Has Wewengkon Produk Has



Jékét Kulit

 
Salah sahiji komoditas pinunjul tina pengrajin kulit di Kabupaten Garut diantarana Produksi pakéan jadi tina kulit sapi (rada heuras) jeung kulit Domda (leuleus), nu di lingkungan bisnis fashion katelah ku sebutan “jékét kulit garut”.

Faktor nu ngarojong ngawujudna sentra industri jékét kulit diantarana nyampakna bahan baku. Sumber bahan baku di Kabupatén Garut kawilang loba ngaleuyah ditambah kutempat nu cocog, padeukeut malah ngahiji jeung lingkungan séntra industri kecil peyamakan kulit

Ogé perenahna géografis kabupatén garut nu deukeut jeung kota Bandung sabagé puserna perdagangan pakéan jadi, ogé Jakarta sabagé puserna perdagangan Nasional, méré lolongkrang pikeun para pangusaha/bisnis baris terus soson-soson ngaronjatkeun produksi jékét kulit sabab gampang dipasarkeun.

Kiwari di Kabupatén Garut sektor industri pakéan jadi tina kulit kagabung 417 unit usaha pormal jeung non formal, bisa nampung leuwih ti 2.953 tenaga kerja. Dumasar kana pendataan Dinas Perindustrian Perdagangan dan Penanaman Modal Kabupatén Garut, pernah kacatet yén jumlah produksi pertaun jékét kulit mulus kuran leuwih 50.000 potong. Lobana paménta jékét kulit nu terus ngaronjat ti luar daérah Kabupatén Garut (pasaran lokal atawa nasional) saperti ti Bandung, Jakarta atawa sababaraha kota Jawa Tengah, Jawa Timur, Bali jeung Sumatera, geus ngadorong pengrajin jéket kulit di Kabupatén Garut tumuwuh jeung mekar leuwih mesat dibandingkeun jeung pengrajin kulit di daérah liana.

Salian nyumponan paménta konsumen Lokal jeung Nasional, Jéket kulit Garut ogé geus sumeber ka pasar
Internasional , saperti Singapura, Malaysia, Taiwan, Jepang jrrd. Data terakhir ngecéskeun yen jéket kulit Garut diékspor ka Singapura, Malaysia, Taiwan jeung Australia, nepi ka 9.488 potong nu hargana nepi ka $ 448.464. Hal ieu nganyatakeun yén ngaronjatkeun ékspor kawilang alus, sabab lobana ékspor saméméhna 5.100 potong hargana US$ 258.651,0.

Salah sahiji hahalang atawa mandegna produksi jékét kulit diantarana tékhnologi pengolahan pikeun leuwih téréhna prosés produksi jeung karungna ngungkulan kualitas kana komoditas barang nu dihasilkeun, sahingga bisa manaruhan kinérja citra komoditas nu geus kawéntuk. Lamun mah hahalang atawa hambatan ieu teu gancang ditarékahan, pengrajin kulit Garut baris kalindih ku daérah liana, nu leuwih hanjelu justru ngolah kulit tersamak ti Garut.

Kiwari lolobana pengrajin jékét kulit perenahna di kompléks industri kulit Sukarégang di Kecamatan Garut Kota. Data ahir  ngenaan jeung industri anu diantarana : 

Uraian
Formal
Informal
Jumlah
Unit Usaha
75
342
417
Tenaga Kerja
821
2.132
2.953
Investasi (000 Rp)/tahun
404.000
1.710.000
2.114.000
Nilai Produksi (000 Rp)/tahun
27.406.200
30.500.000
57.906.200
Sumber : Dinas Perindag PM Kabupaten Garut
Pencét panah kiwa/katuhu dina Kibord sangkan pindah ka artikel séjén
Navigasi
July 2017
SuMoTuWeThFrSa
      1
345678
9101112131415
16171819202122
23242526272829
3031     
Stats Situs
IP Address : 54.162.139.217
Tautan Pilihan
spacer