Domba Garut geus dibudidayakeun ku masarakat Garut ti baheula. Domba nu ngabogaan awak gedé jeung kuat, mibanda kaparigelan dina atraksi laga Domba Garut nu aya di daérah Bayongbong Garut. Domba Garut ngarupakeun hasil campuran antara domba asli Indonésia, domba mérino ti Asia kecil jeung domba ékor gemuk ti Afrika. Domba nu kasohor ku masarakat ku sebutan Domba Garut, katelah ogé ku sebutan Domba Priangan.

1. Awakna rada gedé. Domba jalu nu geus kolot ngabogaan beurat antara 60-80 kilo, sedengkeun domba bikang ngabogaan beurat 30-40 kilo.
2. Tanduk Domba jalu kawilang gedé, melengkung ka tukang nu tungtung tandukna malik ka hareup, saperti                  ngawentuk spiral. Tanduk kenda jeung katuhu ampir ngahiji
3.  Domba bikang teu ngabogaan tanduk.
4.  Buntutna pondok sarta rada gedé.
5.  Beuheungna rada kuat.
6.  Wentuk Ceulina rada panjang, pondok jeung sumedeng nu aya dina pangkal tanduk.
7.  Buluna leuwih panjang jeung lemes dibandingkeun jeung domba asli, warnana bodas, hideung, coklat atawa upa-rupa.
8.  Domba Garut alus pikeun penghasil daging.