placeholder for flash movie
Senén, 23 Oktober 2017   English | Indonesia
:: Tepas Has Wewengkon Produk Has



Minyak Akar Wangi

 
Minyak akar wangi (Vetiver Root Oil/ Andropogon Zizanioides), ngarupakeun salah sahiji komoditas has pinunjul Kabupatén Garut nu kawilang masih anyar, sakumaha halna entéh héjo jeung bako nu ngarupakeun bagian tina sub-séktor perkebunan. Minyak akar wangi mibanda prospék nu alus pikeun terus dimekarkeun, sabab ngabogaan kaunggulan komparatif jeung kompetitif, sarta masih kabukana lolongkrang pangsa pasar doméstik atawa pasar luar negeri.

Budi daya Akarwangi di Kabupatén Garut dumasarna tina Kaputusan Bupati Kabupatén Garut Nomer : 520/SK-196-HUK/96 tanggal 6 Agustus 1996, anu diantarana netepkeun legana aréal kebon akarwangi jeung pamekaranana ku masarakat 2.400 Ha anu nyebar di opat Kacamatan, nyaéta Kacamatan Samarang, Kacamatan Bayongbong, legana 210 Ha, Kacamatan Cilawu legana 240 Ha, jeung Kacamatan Lélés legana 750 Ha. Tina legana aréal pamekaran éta, legana anu digarap saban taun rata-rata 12.400 ha jeung ngahasilkeun minyak akarwangi anu lobana rata-rata 54 ton. Salila taun 2004 kacatet 2.400 Ha legana garapeun kebon akarwangi anu ngaproduksi minyak lobana 72 ton, aya rincian anu diantarana :

Kecamatan
Ha
Ton
Cilawu
240,00
7,20
Bayongbong
210,00
6,30
Samarang
750,00
22,50
Pasirwangi
450,00
13,50
Leles
750,00
22,50
Jumlah
2.400,00
72,00

Kagiatan dina ngamekarkeun akar wangi ngalibetkeun 4.027 urang warga masarakat (Kepala Keluarga) nu ngawengku ti 1.964 urang jeung 2.063 urang sabagé patani/penggarap, nu kabéhna kagabung dina 28 kelompok tani, diantarana, Lélés 5 kelompok tani, Cilawu 4 kelompok tani sarta Bayongbog sa kelompok tani.
Jumlah pengolah atawa penyuling lobana 33 unit nu sumebar di Kacamatan Samarang jeung Pasirwangi 21 unit, Kacamatan Bayongbong 1 unit sarta Kacamatan Cilawu 2 unit.

Sabagé salah sahiji bahan sadar pikeun nyieun minyak farfum jeung kosmétik liana, pemasaran minyak akar wangi nepi ka kiwari teu ngalaman hahalang. Produksi minyak akar wangi Garut saluyu jeung kapasitas nu dipibanda, kabéhna kaserep pasar kalawan harga nu saimbang (harga saluyu jeung harga nu berlaku). Sok sanajan kitu, sabenerna harga éta masih sa leuwih dioptimalkeun, lamun kualitasna gé dioptimalkeun.

Nepikeun kakiwari saluyu jeung data anu aya, pasar luar negeri anu reueus kana minyak akarwangi Garut nyaéta pangusaha ti Asia, Eropa, jeung Amerika husuna nagara-nagara saperti Singapura, India, Jepang, Hongkong, Inggris, Belanda, Jerman, Italia, Swiss, jeung Amerika Serikat. Lolongkrang ékspor pikeun pamasaran minyak akarwangi anu masih dibuka hususna ékspor keur ka Asia Selatan jeung Asia Timir, Eropa Timur jeung Amerika Selatan. Komo deui mun diinget yén jumlah produsén atanapi nagara anu jadi saingan di pasaran Internasional masih aya wates. Kiwari ngan Nagara Tahitti jeung Borbon anu mekarkeun jenis komoditi anu sarua. Hasil produksi minyak akarwangi asal Kabupatén Garut kaasup nominatif dunya, tapi produksina masih kawates pisan boh tina téknologi, atanapi modal. Dina taun ahir niléy jual ékspor komoditas minyak akarwangi nyaéta 23.520 kg saniléy 1.516.208,00 US$. Sanajan kitu volume niléy ékspor ngalaman kanaékan anu ti awalna ngan 1.175.920,00, tapi kapasitas produksi ékspor nurun ti taun saméméhna ngan 29.100 kg.
Sababaraha hiji masalah anu muncul ngaitan jeung pamekaran komoditas minyak akar wangi diantarana:
  1. Jalur tata niaga komoditas akarwangi masih panjang, hususna lamun ngeunaan jeung kaayaan broker (calo)
  2. Kurangna kasaluyuan antara sasama anu miboga/anu migawé kana penyulingan, aya watesan antara anu boga modal, jeung aksés kana modal
  3. Aya watesan anu bisa kanu téknologi, jadi kualitas minyak akarwangi anu dihasilkeun rélatif minim.

Usaha-usaha nu dilakukeun pikeun ngungkulan pasualan saperti réstruktuisasi jalur tata niaga, kawentukna koperasi atawa kelompok Usaha Badan Bersama (KUB) dukungan waragad modal ngaliwatan kemitraan atawa lembaga kauangan nu aya, sarta dironjatkeunnana tekhnologi penyulingan, dipiharep bisa gancang ngawujudkeun ngaronjatna niléy leuwih pendapatan pikeun patani jeung pengelola nu ahirna bisa leuwih ningkatkeun Pendapatan Asli Daérah (PAD).

Pencét panah kiwa/katuhu dina Kibord sangkan pindah ka artikel séjén
Navigasi
October 2017
SuMoTuWeThFrSa
1234567
891011121314
15161718192021
22232425262728
293031    
No Activities.
Stats Situs
IP Address : 54.80.148.252
Tautan Pilihan
spacer