placeholder for flash movie
Salasa, 22 Agustus 2017   English | Indonesia
:: Tepas Has Wewengkon Kampung Adat


Kabuyutan Ciburuy

Ciburuy ten ngaran kabuyutan di suku Gunung Cikuray. Perenahna di Désa Pamalayan, Kacamatan Cigedug, 23 kilometer anggangna ti Kota Garut. Éta tempat ten ku para ahli sajarah mah dianggap kacida pentingna. Lantaran nya di dinya kasimpen rupa-rupa titinggal sajarah anu kapiara nepi ka ayeuna. Malah kiwari Kabuyutan Ciburuy ku pamarétah ditetepkeun jadi sites sajarah.

Di éta kabuyutan téh aya nu disebut imah adat Ciburuy, hanteupna injuk, ngadeg dina lahan anu legana kurang leuwih 380 tumbak. Wawangunanana nenggang ti imah-imah biasa. Lian ti leuwih jangkung, gedé deuih. Wéh sarupa jeung imah gadang nu réa kapanggih di Minangkabau, Sumatra Barat. Aya dua bagian wawangunan. Anu kahiji disebut Bumi Kam, anu dipaké nyimpen barang-barang pusaka. Di antarana aya keris, péso pangot, kujang, trisula, jeung sajabana. Anu hiji deui mah disebutna Bumi Padaleman, sarta kacida dikaramatkeunana. Di dinya kasimpen kitab-kitab buhun anu ditulis dina daun lontar jeung daun nipah. Jumlahna teu kurang ti 750 lembar. Kite gé geus teu weuteuh da anu 438 lembar mah geus rarusak jeung hésé kabuka.

Ceuk para ahli, bisa jadi Kabuyutan Ciburuy téh baheulana mah mandala, atawa pusat kaagamaan, anu ditangtayungan ku Raja. Nya di dinya puseurna kagiatan intelektual jaman harita téh. Hal éta dibuktikeun ku ayana naskah-naskah Sunda buhun anu penting nu kapanggih di Ciburuy. Di antarana naskah Amanat ti Galunggung jeung Sewaka darma kiwari, kabuyutan Ciburuy téh jadi pangjugjugan nu ngaradon jarah.

Ka Bumi mah nu jarah téh bisa lar bus iraha baé. Ngan lamun hayang ningali pusakana kudu sataun sakali, nyaéta dina acara séba anu dilaksanakeun dina bulan Muharam. Tah, mun ka Bumi Padaleman mah teu sagawayah, tame karék bisa asup ka dinya ngan dina upacara séba. Urang Kampung Ciburuy kacida tukuhna dina ngajaga éta aturan. “Fur lamun aya upacara seba, kabéh warga Ciburuy kudu nadir, boh nu araya di dinya boh nu keur ngalumbara. Sikep urang Ciburuy kitu téh katelahna "tukuh Ciburuy".

Pencét panah kiwa/katuhu dina Kibord sangkan pindah ka artikel séjén
Navigasi
August 2017
SuMoTuWeThFrSa
  12345
6789101112
13141516171819
20212223242526
2728293031  
No Activities.
Stats Situs
IP Address : 164.132.161.45
Tautan Pilihan
spacer