placeholder for flash movie
Ahad, 23 Juli 2017   English | Indonesia
:: Tepas  Has Wewengkon  Jajanan


Sambel Cibiuk

Naon anéhna sambel, da meureun kitu kénéh kitu kénéh. Tangtu kitu panyangka anu can apal kana sambel cibiuk mah. Tapi kanyataanana sambel cibiuk mah mémang béda. Lain sa¬sambel-sambelna, boh bahanna, boh rasana. Malah réa mitosna. Cenah, sanajan sakumaha ladana ogé sambel cibiuk mah moal matak nyeri beuteung.

Sambel cibiuk, saluyu jeung ngaranna, asalna ti daérah Cibiuk, anu ayeuna jadi kacamatan antara daérah Leuwi Goong – Limbangan. Tapi sanajan asalna ti lembur, kiwari sambel cibiuk geus kajojo ka mamana. Réa restoran anu maké trademark sambel cibiuk keur ciri hasna. Malah sohorna téh lain waé di Garut, tapi geus nepi ka Jakarta, Bandung; jeung Bali.

Sambel cibiuk téh aya dua rupa, nyaéta sambel cibiuk beureum jeung héjo. Anu beureum bahan-bahanna di antarana: tomat beureum, cabé beureum, surawung, gula, uyah, bawang bodas, bawang beureum, jeung cikur. Sedengkeun anu héjo bahanna di antarana tomat héjo, céngék nu haréjo kénéh, surawung, gula, uyah, bawang bodas, bawang beureum, jeung cikur. Sakapeung sok ditambahan ku tarasi. Diréndosna tara nepi ka lembut, diantep tingguruntul baé diné coét batu. Tapi anu matak jadi kani'matan dina sambel cibiuk mah cenah soal saha anu nyieunna. Malah sawaréh béja mah nyebutkeun aya jampéna. Wallohu'alam.

Ujaring carita, anu nyiptakeun sambel cibiuk téh Eyang Fatimah diné abad ka-18. Anjeunna téh salah saurang tokoh wanoja anu nyebarkeun Islam di deérah Garut. Malah nepi ka kiwari gé makamna nu aya di suku Gunung Haruman, anu ngahiji jeung komplék makam Syéh Jafar Sidik, dianggap karamat sarta sok dijarugjug ku nu jarah. Lantaran tadina nyebar di lingkungan ulama, teu sagawayah jalma bisa nyieun sambel cibiuk. Lantaran éta, sambel cibiuk téh awalna mah nyebar di lingkungan tokoh agama jeung ulama Cibiuk baé.

Lamun ayeuna réa jalma bisa nyieun sambel cibiuk, éta téh nandakeun yén sambel Cibiuk beuki popular jeung geus jadi banda budaya masarakat Garut sakumna.


Pencét panah kiwa/katuhu dina Kibord sangkan pindah ka artikel séjén
Navigasi
July 2017
SuMoTuWeThFrSa
      1
345678
9101112131415
16171819202122
23242526272829
3031     
Stats Situs
IP Address : 54.162.139.217
Tautan Pilihan
spacer