placeholder for flash movie
Ahad, 24 September 2017   English | Indonesia
:: Tepas Has Wewengkon Wisata


Curug Orok

Curug Orok téh salah sahiji curug di wewengkon Garut anu réa dijugjug ku wisatawan. Ayana di Desa Cikandang, Kacamatan Cikajang, Garut.

Naha ngaranna anéh, bet Curug Orok? Ujaring carita, baheula di éta curug teh cenah kapanggih orok anu dipiceun ku kolotna. Ti harita, nepi ka ayeuna éta curug nelah jadi Curug Orok.

Baheula mah, Curug Orok téh bororaah jadi tempat pangulinan, dalah nu ngadon ngalanto ka dinya ogé arang langka. Da béjana baheula mah angker jeung réa jurigna. Malah awal-awalna mah, waktu éta curug réa dijarugjug, loba nu arulin ka dinya kasurupan teu pupuguh. Tapi éta mah baheula, da ayeuna mah geuning éta curug teh kalah beuki ramé ku wisatawan, jeung tara kabéjakeun deui aya nu. kasurupan.

Di Curug Orok nu arulin bisa mandi kukucuprakan, di sagédéngeun ningali pamandangan curug anu sakitu éndahna. Caina hérang ngagenclang, bubuhan ngocor ti gunung. Jangkung curugna aya kana 30 méterna. Atuh hawa di sabudeureunana Seger kacida, jaba aya di lingkungan kebon entéh nu matak pikabetaheun. Henteu anéh lamun réa anu ulin ka dinya seunggah mulang deui, kapincut ku pamandangan alam di Curug Orok.

Pikeun ngajugjug ka Curug Orok, urang bisa nempuh perjalanan kurang leuwih 45 kilométer ti Kota Garut. Mun maké mobil atawa motor mah kurang leuwih méakkeun waktu 1,5 jam. Mun make  kandaraan umum, kudu nyokot jurusan Garut – Bungbulang. Turun di kebon entéh Papandayan, méméh Cisandaan. Méméh nepi ka curugna, anu ulin kudu nété heula hambalan témbok nu jauhna aya kana 100 méterna.

Saban poé minggu atawa poé libur ka éta curug teu weléh loba anu datang. Réréana mah nu ngaradon ulin ka dinya téh barudak ngora. Hanjakal éta asét wisata téh can bisa dikokolakeun kalawan hadé.

Pencét panah kiwa/katuhu dina Kibord sangkan pindah ka artikel séjén
Navigasi
September 2017
SuMoTuWeThFrSa
     12
3456789
10111213141516
17181920212223
24252627282930
No Activities.
Stats Situs
IP Address : 8.37.235.179
Tautan Pilihan
spacer