Saprak Salasa (24/1) Basisir Santolo di Kacamatan Cikelet Garut, katandangan badai angin kulon anu ngarubuhkeun 12 panginepan, ambruk ditarajang ombak saluhur tilu méter leuwih.

Kasatpol Perairan, AKP. Asep Suherli nyebutkeun, badai beuki gede saprak Salasa (24/1) kira-kira jam 21.00 WIB kalayan angin ngahontal 40 nepi ka 50 Knot.

Ngagelebugna angin kulon ayeuna pohara gancang, cukang lantaran luhurna lambak ngahontal diluhur tilu méter, ku kituna cai sagara narajang daratan kalayan nambahan luhurna cai ngahontal saméter, saterusna ngagerus pondasi 12 panginepan milik 26 warga satempat.

Masih numutkeun Suherli, sajaba narajang panginepan, lambak pasang ogé ngajamah sajumlah wangunan warung sakaligus tempat ancik warga, nyieun warga panik.

Kaayaan badai angin kulon nepi ka kiwari tacan eureun, komo beuki ngagedean, cenah.

Sekretaris Himpunan Nelayan Seluruh Indonésia (HNSI) Garut, Lukman Nurhakim nambahan, ayeuna puluhan KK nempatan imah panggung ngungsi ka tempat leuwih aman, nyingkahan ayana korban alatan serangan badai kasebut.

Diperparah mindengna lumangsung aliran listrik pareum, beuki ngajadikeun kaayaan leuwih keueung.***(John).